Andreasyan.io վերապատրաստումներ
Ընտրեք առաջիկա աշխատարանը, բացեք մանրամասները կամ ավելացրեք մի քանի թեմա զամբյուղին։
PHQ-9, GAD-7, DASS-21, K10 և ONS4․ կսովորեք, թե ինչպես կիրառել, միավորել ու մեկնաբանել հարցաթերթերը և հետևել փոփոխությանը։
Գործնականում կփորձեք դանդաղ շնչառություն, մկանային թուլացում, զգայարանների միջոցով ներկա պահին կենտրոնացում, ուշադրության տեղափոխում և մտքերի վերագնահատում։
Սմարթֆոնով կամ խելացի ժամացույցով կչափեք սրտի զարկերը, կհամեմատեք շնչառական ու լսողական պայմանները և կսովորեք կարդալ ուղեղի էլեկտրական ակտիվության՝ ԷԷԳ-ի տվյալներ։
Կսովորեք գնահատման արդյունքից որոշել՝ ինչ գործնական քայլ կարող է օգնել մարդուն ավելի լավ հիշել, կենտրոնանալ, պլանավորել և կատարել առօրյա գործերը։
Կսովորեք հասկանալ, թե ինչ կարող են ցույց տալ սմարթֆոնի, խելացի ժամացույցի, ֆիզիոլոգիական սենսորների, ուղեղի էլեկտրական ակտիվության և վիրտուալ իրականության տվյալները։
Առանց ծրագրավորման կգործարկեք ուշադրության, արձագանքի արագության, ինքնակառավարման, հիշողության և որոշումների ընդունման պատրաստի առաջադրանքներ և կարտահանեք արդյունքները։
Արխիվ
Այստեղ կգտնեք արդեն անցկացված հանդիպումների նկարագրություններն ու հասանելի ամփոփումները։
Հոկտեմբերի 18, կիրակի, 13:00 (Երևանի ժամանակով) · 2026
Ուղիղ առցանց · 3 ժամ
Կծանոթանաք nCBT մոտեցման կառուցվածքին և օրինակներով կքննարկեք՝ ինչպես են մարմնական արձագանքը, հույզերը, մտքերն ու վարքը փոխկապակցված, և ինչպես է այս դիտանկյունը կիրառվում թերապևտիկ աշխատանքում։
Ներածություն nCBT. մոտեցման հիմնական գաղափարը, կառուցվածքը և կապը ԿՎԹ-ի հետ։ Նեյրոգիտության դերը nCBT-ում. մարմնական արձագանք, հույզեր, ուշադրություն և մտքեր։ nCBT-ի «ABC-ների ալիքները». ինչպես է արձագանքը զարգանում իրավիճակից մինչև դրա հետագա իմաստավորումը։ «Ուշադրություն, կառուցում, կապակցում» փուլերը nCBT-ում. օրինակային դեպքի քննարկում։ nCBT-ի կիրառման օրինակներ, կարճ վարժություն՝ ABCDE մտքերի գրառմամբ, հարց ու պատասխան
19–20 սեպտեմբերի 2026
Առցանց աշխատարան, վարողներ՝ Հարիս Մեքսաս և Արմեն Անդրեասյան
Երկօրյա առցանց աշխատարան՝ ակտիվ լսման, բաց հարցերի, ռեսուրսների բացահայտման և գիտակցումը հստակ հաջորդ քայլի վերածելու մասին։
Մասնակիցները դիտել են կենդանի ցուցադրում, զույգերով և փոքր խմբերով վարժել ակտիվ լսումը, բաց հարցերը, նպատակի հստակեցումն ու իրատեսական հաջորդ քայլի ձևակերպումը և ստացել կառուցվածքային հետադարձ կապ։
23 օգոստոսի 2026
Առցանց հանդիպում
Ներածական հանդիպում հոգեկան առողջության մասնագետների համար՝ նեյրոգիտության գաղափարները թերապևտիկ աշխատանքի հետ կապելու մասին։
Հանդիպման ընթացքում պարզ օրինակներով քննարկվել է, թե ինչպես են նյարդային համակարգի գործընթացները կապված մարդու արձագանքների հետ և ինչ կարող է տալ այդ գիտելիքը թերապևտիկ աշխատանքին։
Ուսուցման մոտեցում
Յուրաքանչյուր թեմա ներկայացվում է պարզ լեզվով, հետո փորձարկվում է վարժության կամ թվային գործիքի միջոցով և վերջում կապվում իրական մասնագիտական իրավիճակի հետ։
Այո։ Յուրաքանչյուր աշխատարան ինքնուրույն ամբողջական ծրագիր է։
Երեքից հինգ աշխատարանի դեպքում կիրառվում է 15%, իսկ վեցից սկսած՝ 25% զեղչ։ Ուսանողները կարող են ընտրել 40% ուսանողական զեղչը։ Եթե ուսանողական էլ․ հասցե չունեք, նշեք անձնականը, իսկ վճարման ձևի լրացուցիչ նշման դաշտում՝ Ձեր ուսումնական հաստատությունը։ Զեղչերը չեն գումարվում իրար։
Ուղիղ հանդիպումները, գործնական աշխատանքը, տվյալ աշխատարանի նյութերը, հասանելի թվային գործիքները և հավաստագիրը։
Մեկօրյա աշխատարանի դեպքում՝ հանդիպմանը, իսկ երկօրյայի դեպքում՝ երկու օրերին մասնակցելուց հետո հավաստագիրը կուղարկվի գրանցման ժամանակ նշված էլեկտրոնային հասցեին։